तुम्ही माझ्या वडिलांसमान आहात, तरीही मी तुम्हाला प्रिय साहेब लिहिलय. तुमच्याविषयी मला प्रचंड आदरही वाटतो म्हणूनच माझ्या गावाकडच्या डोंगराएवढे तुम्ही मला प्रिय वाटता.
शाळेत असतानाची गोष्ट. लहान होतो अगदी तिसरी-चौथीत असेन. त्यावेळी हलकर्णीतील दौलत साखर कारखान्यावर वडिल नोकरीला होते. कारखान्याची शाळा म्हणूनच ती इतर शाळांपेक्षा सुंदरच होती. आता नीटसं आठवत नाही पण रविवार की शनिवार होता. आणिं त्यावेळी दौलत कारखान्याच्या बाॅयलर प्रतिपादन तुमचे हस्ते झालं होतं. त्यावेळी तुम्ही हेलीकाॅप्टरनं कारखान्यावर आला होता. आम्ही सगळे शाळेत बसलेलो आणि तुमच्या हेलिकाप्टरचा वरती आवाज आला. वर्गात बाई शिकवत होत्या. तुमच्या हेलिकाॅप्टरचा आवाज आल्यावर तिघा चौघाना आम्हाला कसलच भान राहिलं नाही आणि वर्गातूनच बाहेर तुमच्या हेलिकाप्टरच्या दिशेनं पळत सुटलो ते अगदी धूळ उडवत उतरलेल्या हेलिकाप्टरच्या जागेजवळ जाऊन थांबलो. मग खूप गर्दीतून, पायाच्या टाचा उंच करुन तुम्हाला बघण्याचा आम्ही प्रयत्न करत राहिलो, तुम्ही आम्हाला जवळून दिसाल म्हणून. एक क्षणी तुम्ही आम्हाला दिसलाही पण त्यावेळी तुम्ही दूर अलोट गर्दीत होतात. अगदी त्यावेळेपासून मी तुम्हाला जवळून बघण्याचा आणि भेटण्याचा प्रयत्न करतोय. पण ते झालंच नाही. पण तरीही मी तुम्हाला माझ्या जवळच ठेऊन मी पाहत आलोय तुम्हाला.
साहेब मला राजकारणातलं काही कळत नाही पण तुम्ही म्हणजेच राजकारण, तुम्ही म्हणजेच नेता, तुम्ही म्हणजेच मुख्यमंत्री आणि तुम्ही म्हणजेच पंतप्रधान असचं मला कायम वाटत राहिलं. वय कळतं झाल्यापासून आणि मंत्री म्हणजे काय, मुख्यमंत्री कोण असतो हे जेव्हापासून कळू लागलं तेव्हा पहिलं नाव माझ्या मनावर कोरलं गेलंय ते म्हणजेच शरच्चंद्रजी पवार. शरच्चंद्रजी पवार हे नाव जिथं जिथं वाचलय तिथं तिथ मला तुमचा हसणारा चेहरा आणि डोक्यावर डौलानं उभा असणारा तुमचा फेटाच मला कायम दिसत आलाय. म्हणूनच हे नाव माझ्या मनावर कायम कोरलं गेलय. परवाच्या घटने ते अधिक गहिरं आणि दृढ झालय.
मतदान म्हणजे काय हे जेव्हा कळू लागलं त्यावेळेपासून आमची आजी, आई-आबा सांगायचे शरद पवारांच्या पार्टीला मतदान केलो. अगदी त्यावेळेपासून मला कायम वाटू लागलं मीही मतदान करीन तेव्हा पवारांनाच करीन. आणि मग आयुष्यातील पहिलं मतदान केल तेही तुम्हालाच. मी तुम्हाला मतदान केलं अस मी मुद्दामच सांगतोय. कारण आमच्या मतदार संघात कोण? कुठला उमेदवार आहे हे मला माहित नसतं पण तुमचा उमेदवार आहे तर मग करा मतदान हेच चित्र कायम मनात आकार घेत राहिलं. आणि आता तुमच्यावरचा विश्वास अधिक दृढ झालाय. पण तो नेहमीच असतो.
मग मग वाचायला सुरुवात केल्यावर प्रत्येक पेपरमध्ये तुमचं नाव या ना त्या कारणानं येत राहिलं मग तुम्ही मला आणखी जवळचे वाटू लागलात. वाटत नाही तुम्ही आहातच जवळचे. म्हणूनच अनेकजण तुमच्याकडे बघूनच मतदान करतात, नाव, गाव न वाचता खुशाल सांगितलं जातं की मी राष्ट्रवादीलाच मतदान केलं कुणा कुणाला उमेदवार कोण हेसुद्धा माहिती नसतं. माहिती असते ती शरद पवार या नावाची.
गेल्या पाच सहा वर्षात तुमचे विरोधक आणि सत्ताधार्‍यानी एकच गोष्ट नवमतदारांवर बिंबवत राहिले की आजच्या घडीला हे सगळं दिसतय ते भाजपनच केलंय. मग त्यासाठी त्यांचा आयटी सेल कामाला लागतो आणि नको नको ती कामं मग या नव्या पोराना लावतो.
पवार साहेब माझ्यासारखीच अनेकांची इच्छा असेल की या आधारवडाबरोबर आयुष्यातील काही क्षणतरी घालवले पाहिजेत. पण ते सगळ्यानाच कुठं शक्य आहे, नाहीच.
कधी कधी हे पण वाटतं की तुम्ही कुठून आणत असाल ही ऊर्जा. ही शक्ती, कुठून येतं हे तुमच्यात हत्तीचं बळ. तुमच्याबाबतीत असलेले हे माझे प्रश्न. आणिं तुमच्यामुळेच स्वतःला मिळालेली उत्तरंही तुमचीच असतात. तेव्हा तेव्हा वाटतं हा माणूस म्हणजे समुद्र आहे समुद्र आणि अथांग आणि निस्सीम.
गेल्या काही दिवसांपासून मला नेहमी वाटत राहिलं तुम्हाला पत्र लिहावं आणि सांगावं साहेब राजकीय, सामाजिक, शैक्षणिक परिस्थिती गंभीर असतानाही तुम्ही धीरगंभीरपणे सामोरे गेलात कोणताही आकांड तांडव करता आणि परिस्थिती हाताबाहेर जाऊ नये म्हणूनही त्या-त्या तुम्ही लढत राहिलात आणि लढताहातही. ही लढाई तुमच्यासाठी महत्वाची नाही पण तुम्हाला महत्वाची वाटतात ती लाखमोलाची माणसं. याच लाखमोलात मीही नक्की कुठेतरी असेन म्हणून हा पत्र प्रपंच.
-महादेव आर. कांबळे,
9921799478
फोटो सौजन्य: गुगुलकडून
--------------------------------------------------------
ii
